U’ PATRI MIO

U’ patri mio, turnava da

campagna, ca’ giacca di villutu vecchia e stritta, nu’ cori randi

quantu a na’ capanna e i ciraseji novi ‘nta barritta. Patri:’Nc’è cu’

dici, cori i straci, ma chistu o patri mio no’ causcia, ca’ quandu

‘ncuna cosa ‘nci circavi lu’ latti di li’ pecuri u spandia.

Vuci chi na’ sintivi si parrava, occhi chi na’ vidivi si ciangia, a

notti ca’ lanterna vigilava, ma iju a guerra mancu a canuscia.

Nu’ jornu, tuttu quantu ‘nciarrubbaru; ramingu caminava pi’ la via

jendua finiri ‘nta na’ fera poi, ca’ i undi cuminciari na’ sapia.

Pietusu, scunsulatu dispiaciutu: Mo’ chi ‘nci dicu a casa e figgji

mia? Cusì pinsandu, no’ s’avia accurgiutu, ca’ a mandra, tuttu

‘ntorno-‘ntornu avia.

Annunziata Mazzeo